Будожапов Сергей, Цыдыпов Мункожаргал

Геннадий Николаевич Манжуевай 75 елэйн мүнхэ дурасхаалда. Эрхүү можойн Худайн голой эрхим бэрхэ хүбүүдэй нэгэн: тамиршан, политик, ниитын ажаябуулагша, олониитын эдэбхитэн,Буряад Уласай уран зохёолшодой Холбооной гэшүүн, 13 номуудай автор юм. СССР-эй уласхоорондын классай тамирай мастер. Ородой Холбоото Уласай абарга – бүхэ. Россиин чемпионадуудай хүрэл болон мүнгэн медальнуудта хүртаан тамиршан. Буряад Уласай, Сибириин болон Алас-Дурна зүгэй абарга. Ородой Холбоото Уласай Олимпиин хорооной, үндэhэ яhатанай гүйсэдхэхы хорооной гэшүүн. Буряадай АССР-эй Сайдуудай Зүблэлэй түрүүлэгшэйн орлогшо. Монгол орондо Буряад Уласай Түлөөлгэтэ газарай хүтэлбэрилэгшэ, суута багша, хүндэтэ нүхэр, эсэгэ, төө баабай. Буряадай түрүү хүн!
Манай айлшад- Будожапов Сергей Пурбуевич- Буряад Уласай болбосоролой габъяата хүдэлмэришэн, түүхын шэнжэлхэ ухаанай доктор, доцент, Цыдыпов Мункожаргал Содномович - Буряад Уласай бэеын тамирай габъяата хүдэлмэрилэгшэ, Агын Буряадай автономито тойрогой бэеын тамирай габъяата хүдэлмэрилэгшэ.
Дамжуулга хүтэлэгшэ - Лариса Хабусова.