Ниндакова Зоя Урелтуевна, Табитуева Тамара Бальжинимаевна, Георгинова Ирина Сергеевна, Ангархаева Вера Урелтуевна, Шагдурова Ажигма Прокопьевна, Баир Дашеевич Балданов

«Арадтаа гэгээрэл асарһан нютагаймнай һургуули..» гээд, урдахи зуун жэлэй 30-аад онуудаар хаа-яанагүй дуулалдадаг байһан. Хүн зоноо соёлтой, үзэг бэшэгтэй болгохын тула шадаха аргаараа урагшань татаха һанаатай зонууд нэн түрүүн хүдөөгэй багшанар һэн. Тэрэ үеын һургуулинуудай байдалшье, байгуулгашье, удха зорилгошье өөрын онсотой байгаа. 95 жэлэй саана үндэһэ һуурияа табиһан Сорогой һургуулиин хүгжэлтын шатанууд, багшанар болон һурагшад тухай дамжуулга. 
Айлшад: Ород Уласай юрэнхы болбосоролой хүндэтэ хүдэлмэрилэгшэн, Сорогой һоёдой интернат-һургуулиин захирал Ниндакова Зоя Урелтуевна, Сорогой һургуулида 43 жэл хүдэлһэн, Ород Уласай гэгээрэлэй эрхим, Ород Уласай болбосоролой хүндэтэ хүдэлмэрилэгшэн, багшын ажалай ветеран Табитуева Тамара Бальжинимаевна, Сорогой 8 жэлэй һургуулиин 8хи выпускын түлөөлэгшэ олзын хэрэг эрхилэгшэ Георгинова Ирина Сергеевна, 9 выпускын Сорогой дунда һургуулида 10 жэл соо хүмүүжүүлэгшээр хүдэлһэн Ангархаева Вера Урелтуевна, 8 выпускын Ород Уласай гэгээрэлэй болон хүмүүжүүлгын хүндэтэ хүдэлмэрилэгшэн Шагдурова Ажигма Прокопьевна, 15 выпускын Оросой Холбоото Уласай Юрэнхы болбосоролой хүндэтэ хүдэлмэрилэгшэн, Буряад Уласай соёлой габьяата хүдэлмэрилэгшэн, экономикын албанай отличник,"Бэлиг" гэһэн улас түрын түбэй захирал Баир Дашеевич Балданов.