«Эдир Будамшуу-2020» урилдаанай дүн согсологдобо.
Буряадта алдартай “Будамшуу” гэжэ зүжэгэй нэрээр нэрлэгдэһэн энэ урилдаае Ород Уласай арадай зүжэгшэн, “Будамшуу” зүжэг нааданай гол герой Михаил Елбонов зохёон байгуулдаг юм. “Будамшуу” урилдаан 16-дахи жэлээ үргэрбэ.
Сагай нүхэсэлһөө боложо, урилдаан онлайн аргаар үнгэрөө. Абьяастай 45 хүүгэдэй гүйсэдхэһэн шүлэг, монолог болон дуунай видео бэшэлгэнүүдые бидэ шүүгшэд хаража үзэһэн байнабди.
Урилдаанай дүн:
Гран-при шан – Цыренов Ганжур (Буряад Улас, Захаамин хото).
1 место – Отгонбаатар Хоссайхан (Монгол улс).
2 место – Намдаков Булад (Үбэр Байгалай хизаар, 1 дүгээр Агын дунда һургуулиин һурагша).
3 место – Ринчинов Этигэл (Буряад Улас, Аха аймаг), Хамгушкеев Роман (Эрхүү можо, Оһын аймаг, Обуса).
Мухар-Шэбэр аймагай Хүсөөтын дунда һургуулиин һурагша Бадмаев Эрдэм тусхай шанда хүртэжэ, “Океан” лагерьта (Владивосток хото) амарха путёвкоор урмашуулагдаха болоо.
Эдир зүжэгшэдтэ баяр хүргэе!"
Гараhан дамжулганууд
Гараhан дамжулганууд
15.01.2024 
