Буряад ФМ радиогой зурхайн ном

Августын 19 Һагба гарагтай, шэнын 30 түмэр hуудалтай, 7 улаан мэнгэтэй, хүхэ морин үдэр.

«Дүйсэн үдэр» - энэ үдэр үйлэдэһэн нүгэл ба буянтнай 100 дахин нэмэгдэхэ.

Түмэр hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, баруун урагшаа гэртэhээ гаража 3-4 алхаад, саашаа хэрэгээрээ ябахада болоно.

Августын 19-эй Морин үдэрэй hайн сагууд: хулгана саг (23:40 – 01:40); үхэр саг (01:40 – 03:40); туулай саг (05:40 – 07:40); морин саг (11:40 – 13:40); бишэн саг (15:40 – 17:40); тахяа саг (17:40 – 19:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Хулгана, үхэр, луу, нохой ба гахай жэлтэй хүнүүдтэ hайн. Энэ үдэр шинжэлэн абахада, hахилда хүртэхэдэ, эмнэлгэ эхилхэдэ, эм худалдажа абахада, хүрэнгэ табихада, дайсаниие номгодхоходо, шүтхэрые дарахада ба хатуухан үйлэнүүдтэ hайн. Харгыда гарахада hайн, эд олохо, хүндэлэгдэхэ.

Харин могой ба морин жэлтэй хүнүүдтэ муу. Бэри оруулхада, басагаа хадамда үгэхэдэ ба наһа бараһан хүүнэй хэрэг бүтээхэдэ муу.

Yhэ абахада «Эрлиг Хаантай ушарха» гэhэн муу.

Энэ үдэр хүнэй ба малай бэедэ hүнэhэнэй оршохо байра: Бүһэтэй хүнэй – бүхы бэедэ, Эхэнэрэй – бүхы бэедэ, Малай – бүхы бэедэ. Энэ үдэр бэеын ямаршье хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85