Буряад ФМ радиогой зурхайн ном

Августын 21 Баасан гарагтай, шэнын 3 уһан hуудалтай, 5 шара мэнгэтэй, улаан бишэн үдэр.

«Бальжиниматай үдэр» –«сог буянай», алиншье үйлэ эхилжэ бүтээхэдэ hайн.

Уhан hуудалтай энэ үдэрэй hайн зүгүүд: зүүн, зүүн урда, урда ба хойто. Тон энэ удэр харгыда гараха болбол, зүүн зүг руу гэртэhээ гаража 3-4 алхаад, саашаа хэрэгээрээ ябахада болоно.

Августын 21-эй Бишэн үдэрэй hайн сагууд: хулгана саг (23:40 – 01:40); үхэр саг (01:40 – 03:40); луу саг (07:40 – 09:40); могой саг (09:40 – 11:40); хонин саг (13:40 – 15:40); нохой саг (19:40 – 21:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Морин, хонин, бишэн ба тахяа жэлтэй хүнүүдтэ hайн. Энэ үдэр лама хувараг болоходо, түшэмэл боложо туршахада, эмнэлгэ эхилхэдэ, эм худалдажа абахада, гал гуламтаа үүсхэхэдэ, хүрэнгэ табихада, айлшадтаа бэлэг үгэхэдэ, дайсаниие номгодхоходо, хулгай дээрмэгые дарахада ба «сагаан шүхэртэ» уншуулхада һайн. Харгыда гарахада hайн, эд эдеэ арбижаха.

Харин бар ба туулай жэлтэй хүнүүдтэ муу. Хүүнтэй танилсахада, нүхэрнүүд болоходо, багшалжа эхилхэдэ, ажалда ороходо, хүүндэ туhалжа ажалтай болгооходо, ажалшадтай болоходо ба худаг малтажа уһа гаргахада муу.

Yhэ абахада һайн, эд малтай, баян болохо.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн хүлэй булшанда, Эхэнэрэй – баруун хүлэй булшанда, Малай – хойто хүлнүүдэй шэлбэ соо. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85