Буряад ФМ радиогой зурхайн ном

Августын 22 Бимба гарагтай, шэнын 4 уула hуудалтай, 4 ногоон мэнгэтэй, улаабтар тахяа үдэр.

Уула hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, баруун хойшоо гэртэhээ гаража 3-4 алхаад, саашаа хэрэгээрээ ябахада болоно.

Августын 22-ой Тахяа үдэрэй hайн сагууд: хулгана саг (23:40 – 01:40); бар саг (03:40 – 05:40); туулай саг (05:40 – 07:40); морин саг (11:40 – 13:40); хонин саг (13:40 – 15:40); тахяа саг (17:40 – 19:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Үхэр, бар, туулай жэлтэй хүнүүдтэ һайн. Энэ үдэр бисалгалда һуухада, тарни тоолоходо, инаг амрагтайгаа ушархада, анда нүхэдөө суглуулхада, бэри оруулхада, басагаа хадамда үгэхэдэ, худалдаа наймаанда, дайсаниие номгодхоходо ба «сагаан шүхэртэ» уншуулхада һайн.

Харин хулгана ба гахай жэлтэй хүнүүдтэ муу. Хүүнтэй танилсахада, нүхэрнүүд болоходо, багшалжа эхилхэдэ, гомдолоо hануулхада ба хэрүүл тэмсэлдэ муу. Харгыда гарахада муу, гасалан хахасал ба хүндэ гэм ерэхэ.

Yhэ абахада һайн, бэе эрхэтэнэй хүшэ hайжарха.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – матаргайн гү, али бэлхүүһэнэй зүүн талада, Эхэнэрэй – матаргайн гү, али бэлхүүһэнэй баруун талада, Малай – хүлэй шагайнууд соо. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85