Буряад ФМ радиогой зурхайн ном

Августын 23 Нима гарагтай, шэнын 5 модон һуудалтай, 3 хүхэ мэнгэтэй, шара нохой үдэр.

Модон hуудалтай энэ үдэрэй hайн зүгүүд: зүүн, зүүн урда, урда ба хойто. Тон энэ удэр харгыда гараха болбол, хойто зүг руу гэртэhээ гаража 3-4 алхаад, саашаа хэрэгээрээ ябахада болоно.

Августын 23 Нохой үдэрэй hайн сагууд: бар саг (03:40 – 05:40); луу саг (07:40 – 09:40); могой саг (09:40 – 11:40); бишэн саг (15:40 – 17:40); тахяа саг (17:40 – 19:40); гахай саг (21:40 – 23:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Луу жэлтэй хүнүүдтэ hайн. Энэ үдэр дуган субарга барихада, буян үйлэдэхэдэ, гурбан эрдэни тахихада, дасанда ба ламануудта үргэл хэхэдэ, уншалга захихада, хуралда ерэжэ һуухада, эхилһэн хэрэгээ дүүргэхэдэ, «жабтуй» уншуулхада, гэрэй ажалаа хэхэдэ, шэнэ хубсаhа үмдэхэдэ, хубсаhа эсхэжэ оёходо ба буянтай үйлэнүүдтэ һайн. Харгыда гарахада hайн, эд олохо, бүхы хэрэг бүтэхэ.

Харин энэ үдэр ургамал таряагаа суглуулхада ба наһа бараһан хүүнэй хэрэг бүтээхэдэ муу.

Yhэ абахада һайн, эд мал арбижаха.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн хүлэй тахимда, Эхэнэрэй – баруун хүлэй тахимда, Малай – тойндо. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85