Буряад ФМ радиогой зурхайн ном

Августын 24 Даваа гарагтай, шэнын 6 хий hуудалтай, 2 хара мэнгэтэй, шарабтар гахай үдэр.

Хий hуудалтай энэ үдэрэй hайн зүгүүд: зүүн, зүүн урда, урда ба хойто. Тон энэ удэр харгыда гараха болбол, урагшаа гэртэhээ гаража 3-4 алхаад, саашаа хэрэгээрээ ябахада болоно.

Августын 24-эй Гахай үдэрэй hайн сагууд: үхэр саг (01:40 – 03:40); луу саг (07:40 – 09:40); морин саг (11:40 – 13:40); хонин саг (13:40 – 15:40); нохой саг (19:40 – 21:40); ба гахай саг (21:40 – 23:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Морин ба нохой жэлтэй хүнүүдтэ hайн. Энэ үдэр Намсарай Сахюуса тахижа уншуулхада, үргэл мүргэл хэхэдэ, hүлдэ дуудахада, даллга абахада, «жабтуй» уншуулхада, худалдаа наймаанда, мүнгэ урьһалхада, ургамал таряагаа суглуулхада ба дэлгэрүүлхэ үйлэнүүдтэ һайн.

Харин хулгана ба гахай жэлтэй хүнүүдтэ муу. Өөрынгөө эд хубсаһа хүүндэ үгэхэдэ ба алта мүнгэ урьһаар үгэхэдэ муу. Харгыда гарахада муу, хэрэг бүтэхэгүй.

Yhэ абахада һайн, үнгэ зүhэг hайжарха.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн гуяын газаа талын зузаан мяханай хонхорто, Эхэнэрэй – баруун гуяын газаа талын зузаан мяханай хонхорто, Малай – шагайтануудай хонхорто. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85