Августын 25 Мигмар гарагтай, шэнын 7 гал hуудалтай, 1 сагаан мэнгэтэй, сагаан хулгана үдэр.
«Модон Хохимой» муу үдэр: хото барилгын эхи табиха, шүтээн бодхоохо, арамнайлха, бэри абаха, үзэл үзүүлхэ, хий мори хиидхэхэ, эд мал үгэхэ, сангай ами нээхэ, хүдөө гаргаха, хүрэнгэ табиха ба тэрэ мэтэ амиды ба нүгшэhэдэй үйлэнүүдтэ муу. Алибаа үйлэ хүлеэгөө hаа болохо.
Гал hуудалтай энэ үдэрэй hайн зүгүүд: зүүн, зүүн урда, урда ба хойто. Тон энэ удэр харгыда гараха болбол, зүүн урагшаа гэртэhээ гаража 3-4 алхаад, саашаа хэрэгээрээ ябахада болоно.
Августын 25-ай Хулгана үдэрэй hайн сагууд: хулгана саг (23:40 – 01:40); үхэр саг (01:40 – 03:40); туулай саг (05:40 – 07:40); морин саг (11:40 – 13:40); бишэн саг (15:40 – 17:40); тахяа саг (17:40 – 19:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.
Хулгана, могой, морин ба гахай жэлтэй хүнүүдтэ hайн. Энэ үдэр буян үйлэдэхэдэ, гурбан эрдэни тахихада, дасанда ба ламануудта үргэл хэхэдэ, анда нүхэдөө ба түрэл гаралаа суглуулхада, шэнээр хубсаһа абахада, хүрэнгэ табихада, гол уһа гарахада, «жабтуй» уншуулхада, наһа бараһан хүүнэй хэрэг бүтээхэдэ ба модон шоройн хэрэгүүдтэ һайн. Харгыда гарахада hайн, бүхы хэрэг бүтэхэ.
Харин бишэн ба тахяа жэлтэй хүнүүдтэ муу. Ажалда ороходо, хүүндэ туhалжа ажалтай болгооходо, ажалшадтай болоходо, бэри оруулхада ба басагаяа хадамда үгэхэдэ муу.
Үhэ абахада муу, хэлэ ама, хэрүүл тэмсэл ерэхэ.
Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн хүлэй ташаа-һүүжын яһанай үе соо, Эхэнэрэй – баруун хүлэй ташаа-һүүжын яһанай үе соо, Малай – урдахи хүлнүүдэй үбдэгүүдэй үе соо. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.
Улаан-Yдэ хотын Дээдэ Онгостойн
"Жанчуб Допанхан" Дасанай Ехэ Унзад,
зурхайша Мадагаев Дондоп лама тайлбарилба.
8 (902 1) 61 37 85