Буряад ФМ радиогой зурхайн ном

Августын 27 Пүрбэ гарагтай, шэнын 9 түмэр hуудалтай, 8 сагаан мэнгэтэй, хара бар үдэр.

Түмэр hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, баруун урагшаа гэртэhээ гаража 3-4 алхаад, саашаа хэрэгээрээ ябахада болоно.

Августын 27-ой Бар үдэрэй hайн сагууд: хулгана саг (23:40 – 01:40); үхэр саг (01:40 – 03:40); луу саг (07:40 – 09:40); могой саг (09:40 – 11:40); хонин саг (13:40 – 15:40); нохой саг (19:40 – 21:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Бар, туулай, бишэн ба тахяа жэлтэй хүнүүдтэ hайн. Энэ үдэр шинжэлэн абахада, hахилда хүртэхэдэ, эмнэлгэ эхилхэдэ, эм худалдажа абахада, худалдаа наймаанда, дайсаниие номгодхоходо ба хатуухан үйлэнүүдтэ һайн. Харгыда гарахада hайн, эд олохо, хүндэлэгдэхэ.

Харин үхэр, луу, хонин ба нохой жэлтэй хүнүүдтэ муу. Ажалда ороходо, хүндэ туhалжа ажалтай болгооходо, ажалшадтай болоходо, бэри оруулхада, басагаяа хадамда үгэхэдэ ба наһа бараһан хүүнэй хэрэг бүтээхэдэ муу.

Yhэ абахада муу, үбшэн ерэхэ.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн хажуугай хабһанда, Эхэнэрэй – баруун хажуугай хабһанда, Малай – урдахи хүлнүүдэй табгайн улада. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

«Жанчуб Допанхан» Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85