Буряад ФМ радиогой зурхайн ном

Августын 30 Нима гарагтай, шэнын 12 уула һуудалтай, 5 шара мэнгэтэй, хүхэбтэр могой үдэр.

Уула hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, баруун хойшоо гэртэhээ гаража 3-4 алхаад, саашаа хэрэгээрээ ябахада болоно.

Августын 30-ай Могой үдэрэй hайн сагууд: үхэр саг (01:40 – 03:40); луу саг (07:40 – 09:40); морин саг (11:40 – 13:40); хонин саг (13:40 – 15:40); нохой саг (19:40 – 21:40); ба гахай саг (21:40 – 23:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Луу жэлтэй хүнүүдтэ hайн. Энэ үдэр дуган субарга барихада, гал гуламтаа үүсхэхэдэ, пеэшэ барихада, хүрэнгэ табихада, дайсаниие номгодхоходо, «табан харюулга»,«Жинсэрэг» уншуулхада ба амарлингы үйлэнүүдтэ hайн

Харин энэ үдэр аяншалга, холын зам эхилхэдэ, ажалда ороходо, хүүндэ туhалжа ажалтай болгооходо, ажалшадтай болоходо ба мал адууһа худалдажа абахада муу. Харгыда гарахада муу, хулгайн гайда орохо.

Yhэ абахада муу, ехэ үбшэн ерэхэ.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн гарай альганда, Эхэнэрэй – баруун гарай альганда, Малай – урда хүлнүүдэй шэлбэдэ. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

«Жанчуб Допанхан» Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85