Буряад ФМ радиогой зурхайн ном

Сентябриин 1 Мигмар гарагтай, шэнын 14 хий hуудалтай, 3 хүхэ мэнгэтэй, улаабтар хонин үдэр.

Хий hуудалтай энэ үдэрэй hайн зүгүүд: зүүн, зүүн урда, урда ба хойто. Тон энэ удэр харгыда гараха болбол, урагшаа гэртэhээ гаража 3-4 алхаад, саашаа хэрэгээрээ ябахада болоно.

Сентябриин 1-эй Хонин үдэрэй hайн сагууд: бар саг (03:40 – 05:40); туулай саг (05:40 – 07:40); могой саг (09:40 – 11:40); бишэн саг (15:40 – 17:40); нохой саг (19:40 – 21:40); гахай саг (21:40 – 23:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Хулгана, могой, морин ба гахай жэлтэй хүнүүдтэ hайн. Энэ үдэр бисалгалда һуухада, тарни тоолоходо, лама хувараг болоходо, түшэмэл боложо туршахада, анда нүхэдөө суглуулхада, инаг амрагтайгаа ушархада, гэрээ гоёоходо, мал адууһа худалдажа абахада ба хамтын ажалда ехэ һайн.

Харин бишэн ба тахяа жэлтэй хүнүүдтэ муу. Ном номлол бэшэхэдэ, һургаали ба лекци шагнахада, һанаһан хэрэгээ эхилхэдэ, ажалда ороходо, хүүндэ туhалжа ажалтай болгооходо ба ажалшадтай болоходо муу. Харгыда гарахада муу, гасалан хахасал ба ехэ гэм ерэхэ.

Үhэ абахада һайн, эд мал арбижаха.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн шэхэнэй ара талада болон зүүн хасарта, Эхэнэрэй – баруун шэхэнэй ара талада болон баруун хасарта, Малай – дала, адхаал багта. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

«Жанчуб Допанхан» Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85