Буряад ФМ радиогой зурхайн ном

Сентябриин 19 Бимба гарагтай, шэнын 2 шорой hуудалтай, 3 хүхэ мэнгэтэй, хүхэбтэр үхэр үдэр.

Шорой hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, баруун зүг руу гэртэhээ гаража 3-4 алхаад, саашаа хэрэгээрээ ябахада болоно.

Сентябриин 19-эй Yхэр үдэрэй hайн сагууд: бар саг (03:40 – 05:40); туулай саг (05:40 – 07:40); могой саг (09:40 – 11:40); бишэн саг (15:40 – 17:40); нохой саг (19:40 – 21:40); гахай саг (21:40 – 23:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Үхэр, бар, туулай жэлтэй хүнүүдтэ һайн. Энэ үдэр лама хувараг болоходо, түшэмэлдэ һунгагдахада, бисалгалда һуухада, тарни тоолоходо, анда нүхэдөө суглуулхада, гал гуламтаа үүсхэхэдэ, хүрэнгэ табихада, дайсаниие номгодхоходо, хулгай дээрмэгые дарахада ба «сагаан шүхэртэ» уншуулхада hайн.

Харин хулгана ба гахай жэлтэй хүнүүдтэ муу. Хүүнтэй танилсахада, нүхэрнүүд болоходо, багшалжа эхилхэдэ, «Жинсэриг» захихада ба уншуулхада. Харгыда гарахада муу, гасалан хахасал ба ехэ гэм ерэхэ.

Yhэ абахада муу, хэлэ ама, хэрүүл тэмсэл ерэхэ.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн хүлэй шэлбэ-табгайн үе соо, Эхэнэрэй – баруун хүлэй шэлбэ-табгайн үе соо, Малай – өөхэн соонь. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85