Буряад ФМ радиогой зурхайн ном

Сентябриин 26 Бимба гарагтай, шэнын 10 гал hуудалтай, 5 шара мэнгэтэй, хара бишэн үдэр.

Гал hуудалтай энэ үдэрэй hайн зүгүүд: зүүн, зүүн урда, урда ба хойто. Тон энэ удэр харгыда гараха болбол, зүүн урагшаа гэртэhээ гаража 3-4 алхаад, саашаа хэрэгээрээ ябахада болоно.

Сентябриин 26-ай Бишэн үдэрэй hайн сагууд: хулгана саг (23:40 – 01:40); үхэр саг (01:40 – 03:40); луу саг (07:40 – 09:40); могой саг (09:40 – 11:40); хонин саг (13:40 – 15:40); нохой саг (19:40 – 21:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Үхэр, бар, туулай жэлтэй хүнүүдтэ һайн. Энэ үдэр һанаһан хэрэг сэдьхэлшэлэн түргэн бүтэхэ. Номлол бэшэхэдэ, эрдэм номдо һурахада, мүнгөө санда хадалгахада, гэр барихада, найр наада түрэ хурим үнгэргөөхэдэ, гэр бүлэ болоходо, хубсаhа эсхэжэ оёходо ба арбижуулха үйлэнүүдтэ һайн.

Харин хулгана ба гахай жэлтэй хүнүүдтэ муу. Дуган субарга барихада, хото барилгын үйлэ эхилхэдэ, томо гэрнүүдые шэнэлжэ гоёоходо ба худалдаа наймаанда муу. Харгыда гарахада муу, түрэлхитэн муу һони дуулгаха.

Yhэ абахада һайн, эршэ хүшэн ехэ болохо.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн мүрэдэ, Эхэнэрэй – баруун мүрэдэ, Малай – шэлэ хүзүүндэ. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85