Буряад ФМ радиогой зурхайн ном

Сентябриин 27 Нима гарагтай, шэнын 11 шорой һуудалтай, 4 ногоон мэнгэтэй, харабтар тахяа үдэр.

Шорой hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, баруун зүг руу гэртэhээ гаража 3-4 алхаад, саашаа хэрэгээрээ ябахада болоно.

Сентябриин 27-ой Тахяа үдэрэй hайн сагууд: хулгана саг (23:40 – 01:40); бар саг (03:40 – 05:40); туулай саг (05:40 – 07:40); морин саг (11:40 – 13:40); хонин саг (13:40 – 15:40); тахяа саг (17:40 – 19:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Луу жэлтэй хүнүүдтэ hайн. Энэ үдэр дуган субарга барихада, гал гуламтаа үүсхэхэдэ, хүрэнгэ табихада, дайсаниие номгодхоходо, «Жэнсэрэг», «табан харюулга» уншуулхада ба амарлингы үйлэнүүдтэ hайн.

Харин энэ үдэр аяншалга ба холын зам эхилхэдэ, ажалда ороходо, хүндэ туhалжа ажалтай болгооходо, ажалшадтай болоходо ба мал адууhа худалдажа абахада муу. Харгыда гарахада муу, хулгайн гайда орохо.

Yhэ абахада һайн, эрхэтэн хурса болохо.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – зүүн мүрэй доодо яһанда, Эхэнэрэй – баруун мүрэй доодо яһанда, Малай – өөхэн соонь. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85