Буряад ФМ радиогой зурхайн ном

Октябриин 3 Бимба гарагтай, шэнын 17 хий hуудалтай, 7 улаан мэнгэтэй, шарабтар туулай үдэр.

«Дашиниматай ба Бальжиниматай үдэр» –«олзо хутагай» ба «сог буянай үдэр», алиншье үйлэ эхилжэ бүтээхэдэ hайн.

Хий hуудалтай энэ үдэрэй hайн зүгүүд: зүүн, зүүн урда, урда ба хойто. Тон энэ удэр харгыда гараха болбол, урагшаа гэртэhээ гаража 3-4 алхаад, саашаа хэрэгээрээ ябахада болоно.

Октябриин 3-ай Туулай үдэрэй hайн сагууд: хулгана саг (23:40 – 01:40); бар саг (03:40 – 05:40); туулай саг (05:40 – 07:40); морин саг (11:40 – 13:40);

хонин саг (13:40 – 15:40); тахяа саг (17:40 – 19:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Үхэр, бар ба туулай жэлтэй хүнүүдтэ һайн. Энэ үдэр буян үйлэдэхэдэ, дасанда ба ламануудта үргэл хэхэдэ, шэнэ хубсаhа үмдэхэдэ, шэнэ гоёолто зүүхэдэ, худалдаа наймаанда, дайсаниие номгодхоходо, хулгай дээрмэгые дарахада, «сагаан шүхэртэ» уншуулхада ба наһа бараһан хүүнэй хэрэг бүтээхэдэ һайн.

Харин хулгана ба гахай жэлтэй хүнүүдтэ муу. Хүүнтэй танилсахада, нүхэрнүүд болоходо, багшалжа эхилхэдэ, бэри оруулхада, басагаа хадамда үгэхэдэ ба «Жинсэрэг» захижа уншуулхада муу. Харгыда гарахада муу, сэдьхэл зобохо.

Yhэ абахада муу, үнгэ зүhэг доройтохо.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – ара талаһаа хүзүүнэй баруун хажууда, Эхэнэрэй – ара талаһаа хүзүүнэй зүүн хажууда, Малай – шэлэ нюрганда, мориной – даланда. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85