Буряад ФМ радиогой зурхайн ном

Октябриин 6 Мигмар гарагтай, шэнын 19 түмэр hуудалтай, 4 ногоон мэнгэтэй, хара морин үдэр.

«Тэрсүүд гүйхэ үдэр» - лама болоходо, ном шагнахада, Бурханаа тахихада, хэшэг даллга абахада, харгыда гарахада, зөөжэ гарахада, бэриин үйлэнүүдтэ,

үхэгшэдэй хэрэгүүдтэ муу. Тон энэ үдэр хэхэ болбол, «Жанаг Гагдог» уншуулжа заhаха хэрэгтэй.

Түмэр hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, баруун урагшаа гэртэhээ гаража 3-4 алхаад, саашаа хэрэгээрээ ябахада болоно.

Октябриин 6-ай Морин үдэрэй hайн сагууд: хулгана саг (23:40 – 01:40); үхэр саг (01:40 – 03:40); туулай саг (05:40 – 07:40); морин саг (11:40 – 13:40); бишэн саг (15:40 – 17:40); тахяа саг (17:40 – 19:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Хулгана, могой, морин ба гахай жэлтэй хүнүүдтэ hайн. Энэ үдэр эрдэм номдо һурахада, мүнгөө санда хадалгахада, Намсарай Сахюуса тахижа уншуулхада, үргэл мүргэл хэхэдэ, эд эдеэ оложо суглуулхада, хүрэнгэ табихада, хубсаһа эсхэжэ оёходо, дайсаниие номгодхоходо, амарлингы ба сагаан зүгэй үйлэнүүдтэ һайн.

Харин бишэн ба тахяа жэлтэй хүнүүдтэ муу. Бэри оруулхада, басагаа хадамда үгэхэдэ, мал адууһа худалдажа абахада ба наһа барагшадай үйлэ хэрэгүүдтэ муу. Харгыда гарахада муу, түрэлхитэн муу һони дуулгаха.

Үhэ абахада һайн, һайн нүхэртэй нүхэрлэхэ.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – баруун мүрэй доодо яһанда, Эхэнэрэй – зүүн мүрэй доодо яһанда, Малай – шэлэ хүзүүндэ. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85