Буряад ФМ радиогой зурхайн ном

Октябриин 7 Һагба гарагтай, шэнын 20 огторгой hуудалтай, 3 хүхэ мэнгэтэй, харабтар хонин үдэр.

Огторгой hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, зүүн хойшоо гэртэhээ гаража 3-4 алхаад, саашаа хэрэгээрээ ябахада болоно.

Октябриин 7-ой Хонин үдэрэй hайн сагууд: бар саг (03:40 – 05:40); туулай саг (05:40 – 07:40); могой саг (09:40 – 11:40); бишэн саг (15:40 – 17:40); нохой саг (19:40 – 21:40); гахай саг (21:40 – 23:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Хулгана, үхэр, луу, нохой ба гахай жэлтэй хүнүүдтэ hайн. Энэ үдэр буян үйлэдэхэдэ, дасанда ба ламануудта үргэл хэхэдэ, даллга абахада, даллга абахада, найр наада түрэ хурим үнгэргөөхэдэ, гэр бүлэ болоходо, шэнэ хубсаhа үмдэхэдэ, шэнэ гоёолто зүүхэдэ, ламатай ушаржа хэрэгээ бүтээхэдэ, аюулһаа зайлхада, буян хэшэгээ дурдажа ном уншуулхада ба буянтай үйлэнүүдтэ һайн.

Харин могой ба морин жэлтэй хүнүүдтэ муу. Аяншалга, холын зам эхилхэдэ, ажалда ороходо, хүүндэ туhалжа ажалтай болгооходо ба ажалшадтай болоходо муу. Харгыда гарахада муу, гасалантай ушарха, найза нүхэдhөө хахасаха гэм бии.

Yhэ абахада муу, үлдэхэ, ундаа хүрэхэ.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – баруун мүрэдэ ба далада, Эхэнэрэй – зүүн мүрэдэ ба далада, Малай – дала, адхаал багта. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85