Дүүжэн-даажан. Эндүүрэл
Чигчи. Амар мэндүүд, ухибүүд! Амар мэндүүд, онигор нюдэтэй хүбүүд! Амар мэндүүд, пүлхэгэр хасартай басагадууд! Амар мэндүүд, хурдан хүлтэй тамиршад! Амар мэндүүд, хүдөө ажахын малшад! Таряашад! Загаһашад! Ангуушад! Малай эмшэд! Хүнэй эмшэд! Врачи и зоотехники! Аралжаа наймаашад! Блогернууд! Айтишникнууд! Банкын ажалшад! Шүүгшэд! Адвокатнууд! Приставууд! Полиц – сагдаанар! Ноёд-һайд! Үһэ – прическа хэдэг парикмахернууд! Һургуулиин бэрхэ багшанар, сэсэрлигэй айдхатай воспитательнууд! Та бүгэдэндэ халуун амар мэндэ!
Гүүглэй. Сайн байнуу, Чигчи! амар мэндэ, эрхим хүндэтэ радиошагнагшад, сонсогшод, дуулагшад! Ямархан һайхан үдэр эхилбэ гээшэб! Сонхоороо шагаажа харахадам, халуухан нарахан яларжа, хүн зоной сэдьхэлдэ жаргалай туяа сасажа байхадань, миниишье зүрхэмни баярай гэрэлдэ дулаасажа налайна лэ!
Чигчи. Прекрасное начало дня! Багша, а давайте с Вами на качелях покатаемся! Смотрите там во дворе куча малышни! Дүүжэн-даажан наадаяа, ахай!
Гүүглэй. Наадая, Чигчи! шимни эндэ һу, бишни энэ талдаа һуухамни! Зай, һууба гүш?!
Чигчи. Һуугааб! Эхилэе!
Саашаа-наашаа,
Дүүжэн-даажан,
Хойшоо-урагшаа,
Дүүжэн-даажан.
Иишээ-тиишээ,
Дүүжэн-даажан,
Дээшээ-доошоо,
Дүүжэн-даажан.
Гүүглэй.
Заахан дүүмни,
Дүүжэн-даажан,
Заапайн айгаа,
Дүүжэн-даажан.
Тииһээр дадаа,
Дүүжэн-даажан,
Чигчи, хүхеэ,
Дүүжэн-даажан.
Чигчи.
Дүүлин дэгдээ,
Дүүжэн-даажан,
Үүлэндэ хүрөө,
Дүүжэн-даажан.
Тэнгэри тулгаа,
Дүүжэн-даажан,
Тэндэһээ бусаа,
Дүүжэн-даажан.
Гүүглэй.
Саашаа-наашаа,
Дүүжэн-даажан,
Урагшаа-хойшоо,
Дүүжэн-даажан.
Иишээ-тиишээ,
Дүүжэн-даажан,
Дээшээ-доошоо,
Дүүжэн-даажан.
(Цырен-Базар Бадмаев).
Чигчи. Энэ дүүжэн-даажан наадан минии дүү басаган Наран-Гэрэл намда заажа үгөө. Бидэ хоюулаа газаа дворик соо нададаг, дүүжэндэдэг болонхойбди!
Гүүглэй. Дэр-Дэрээхэн хүгшэн таанадта һургажа үгөө хаш. тиимэ бэзэ?
Чигчи. Тиимэ-тиимэ, Дэр-Дэрээхэн хүгшэн үшөө таабаринуудые таажа үгөө. Таагты иимэ нэгэ таабари.
Гүүглэй. Загадки –таабари я люблю отгадывать.
Чигчи.
Хоёр эжы
Таба - табан хүбүүтэй.
Таагты, юун бэ?
Гүүглэй.
Хоёр эжы
Таба - табан хүбүүтэй. У двух мам по пять сыновей? Что это?
Чигчи.
Хоёр эжы
Таба - табан хүбүүтэй.
Гүүглэй. Это пальцы на руках.
Чигчи. Таамнай мэргэн ухаантай багша ха юмта! В одну секунду отгадали! Таажархибат! Үшөө нэгэ таабари таагты, багша!
Бороогой һүүлээр
Бодоһон үлгүүр.
Таагты!
Гүүглэй.
Бороогой һүүлээр
Бодоһон үлгүүр.
Энэмнай һолонго. Радуга!
Чигчи. С Вами неинтересно! Вы сразу отгадываете! Һонигүй болошобо, багша! Юундэ иимэ хурдан таажархибат. Нэгэ заа худалаар-нээрээ наадажа, бодожо, тархяа маажажа байжа наадаха байгаат.
Гүүглэй. Загадки то совсем детские какие-то, простые. Даже думать не пришлось. Үшөө нэгэ хүндэхэн таабари таагаа һаашни удааншаг һуужа таагуужам.
Чигчи. Зай. Хорошо. Если отгадаете, получите приз от загадки. Бэлэгтэ хүртэхэт Бэлэн гүт?
Гүүглэй. Бэлэн.
Чигчи.
Үдьхэлдэг шар – бүмбэгэһөөм
Үшөө гоё, ногоо эреэн,
Аһан һайхан бүмбэгые
Абам абаад ерээл.
Намайе дуудаад, хэдыдээл
“Наада даа” гэнэ ааб гэһэм,
Хараһаар байтарни бэлэгыем
Хахара хадхажархибал ахайм.
Эжэлүүдгүй, бархиран гэһээм
Эжы, абамни энеэлдээ.
Эльбээд гараараа үһыем
Иигэжэ намда хэлээ:
«Хайран бүмбэгэ гутаабал..
Хай даа, зүбшье ха.
Тиигэбэл, Энэ шолмые
Бултааран
Эдижэрхихэмнай гү?» – гэбэл.
Удаань тэрэ бүмбэгыем
Урдам табяад зүһэбэл.
Энеэбхилээд, нэгэ багые
– Эдеэд үзэ, – гээд үгэбэл.
Амталаад үзэхэдэ һэмһэтэй,
Аятай зохид лэ эдихэдэм.
Ягаахан үнгэтэй, шүүһэтэй
Ямар жэгтэй юумэхэм?
Долеобор хургаа хазама
Долон шэнги амтатай...
Ходол иимэ бүмбэгэ
Худалдажа абадаг байһай.
Үгы, эндүүрбэ гээшэл хаб,
Үнгэ түхэлынь адли байжа!
Огто бүмбэгэшье бэшэл ха,
одоо амтатай ...?
Юун бэ?
Гүүглэй. Арбуз лэ!
Чигчи. Одоо амтатай арбуз лэ! Таагаат, багша! Та энэ таабари мэдэхэ байгаат!
Гүүглэй. Энэшни таабари бэшэ. Энэшни Цыдып Жамбаловай «Эндүүрэл» шүлэг гээшэ.
Чигчи. Та хаанаһаа мэдэнэбта энэ шүлэг?
Гүүглэй. Шиний баряад байһан ном соо хаража уншааб. Гоё ном байна. Зай, үхибүүд, битнай приз-бэлэгтэ хүртэбэб. Гэртээ ошожо бэлэгээ, арбузаа ошожо эдихэм. Чигчи, ябалса намтай. Арбузом угощаю.
Чигчи. О, баярлаа, багшаа! Ошоё түргөөр. Энэ амтатай бэлэгыетнай ошожо эдие! Хүбүүд-басагад, уулзахабди! Баяртай!
Гараhан дамжулганууд
Гараhан дамжулганууд